Geir Hallsteinsson - HVAÐ

Í eina tíð var Geir Hallsteinsson stórstyrni í íslenska handboltanum , mikið vatn er sannarlega runnið til sjávar síðan , en skelfing yrði hann lítill karl , með sína leikhæfileika eins og þeir voru , gegn strákunum okkar í dag.

Hallsteinn faðir hanns var sagður faðir handboltans , hér á Fróni , en ég vil eiginlega meina að annar maður eigi þann titil frekar skilið , hann heitir Ólafur (Stefánsson) , hver og einn einasti handboltamaður , sem væri um tvítugt og í landsliðinu , mætti vera rígmontinn sýndi hann sams konar leiki og Ólafur hefur sýnt , það er aðdáunarvert að sjá hvernig hann les leikina , hvern á fætur öðrum - ár eftir ár .

Til margra ára hef ég sagt að við höfum bara átt einn almennilegan mann í vítaköstin , hann Valda Gríms , en nú á Ólympíuleikunum hefur þessi sí- sí - síungi drengur , Ólafur , tekið - sem betur fer - nánast öll vítin og ekkert þeirra geigað , Snorri Steinn er feikna góður á línunni , en í vítaskotum; Jesús minn , ég vil nú samt endilega taka framm að mér er alls alls ekkert illa við Gauba , föður hanns , og því síður hann Guðmund föður hanns (afa Snorra Steins) , en Snorri Steinn er afar mistækur í vítunum og slíkt gengur engan veginn upp í erfiðum leikjum .

Ég mælist til þess að við tölum um Hallstein sem afa íslenska handboltans , en faðirinn er unglingurinn ÓÓÓllaafffuurr Stefánsson , en er hann orðinn tvítugur ?

Ísland vann 17 marka sigur

Athugasemdir

[Ingibjörg Guðrún Magnúsdóttir, 6.8.2012 kl. 21:19]

Ég segi bara áfram strákar, þetta er glæsileg frammistaða hjá þeim og ekkert annað hægt að segja.

[Ómar Ragnarsson, 7.8.2012 kl. 00:12]

Geir Hallsteinsson er eini leikmaðurinn í heiminum sem ég veit til að hafi getað stokkið upp, skotið föstu skoti á markið svo varnarmenn hoppuðu upp og  markmaðurinn kastaði sér í annað markhornið, en í raun fór boltinn ekki áfram heldur afturábak úr hönd Geirs yfir á samherja fyrir aftan hann eða á hlið við hann sem skoraði í hitt markhornið.

Geir gat líka skotið fleiri tegundumm af gabbskotum, svo sem að skjóta lágskoti á markið sem fór ekki áfram, heldur beint afturábak í hendur skyttu sem stökk upp og skaut í staðinn.

Þetta gerði hann tildæmis ítrekað með Jóni Hjaltalín Magnússyni og fleirum.

Geir og Ólafur Stef eru mestu boltasnillingar sem við höfum átt og Geir var yfirburðamaður á sínum tíma rétt eins og Ólafur hefur verið.

Án Geirs náðu Íslendingar 6. sæti á stórmóti fyrir tíma Geirs og urðu ekki "skelfing litlir karlar" heldur lögðu silfurlið Svía í frægum leik.

Það upphefur engan að tala með lítilsvirðingu um aðra og reyna að niðurlægja þá í tali eins og þegar sagt er um Geir að "skelfing yrði hann lítill karl í dag."

Ef Geir væri á besta aldri í dag værum við með tvo snillinga í liðinu, hann og Ólaf.

En einn maður getur aldrei komið okkur í verðlaunasæti heldur liðsheildin.

Þess vegna er fráleitt að dæma Geir út frá því hvernig liðsheildir þess tíma stóðu sig.

Man ég þó ekki betur en að íslenska landsliðið hafi gert jafntefli við Rúmena, þáverandi heimsmeistara, í frægum leik á tíma Geirs.

"Litlir karlar" þar eða hvað?   

[Hörður B Hjartarson, 10.8.2012 kl. 00:08]

Ég þakka innlitin ,fróðleikinn og skoðanirnar . Ekki var beint ætlun mín að gera lítið úr Geir , nema jú miðað við handboltann þá ,og svo aftur í dag , því ég vil meina að handboltinn þá ,og aftur í dag sé álíka og að bera saman Trabant og Bens , jújú vissulega hafa báðir/bæði ýmislegt til síns ágætis , það sem ég meina með þessu er að skoðun mín er sú að leikaðferðir þá og aftur í dag séu með alls endis ólíkum toga - getur ekki verið að eitthvað sannleikskorn sé til í því?

Eins er með Hallstein - hann á hrós , bæði langt og mikið , fyrir sína aðkomu , hann "fæddi" handboltann , það breytir ekki þeirri staðreynd að Ólafur er búinn að vera LYKILMAÐUR STRÁKANNA OKKAR einhvers staðar í kring um tuttugu ár , að því er ég , og mitt sífellt versnandi minni , teljum.

Það var ekki meining mín að lítillækka þá feðga , ja í það minnsta ekki stórlega.

Hafi