Til hamingju með sjötugs afmælið !

 

 

 

                            Sjötíu ár er ekki langur tími , það hef ég - því miður - komist að , en þetta var eilífð áður en maður komst til vits og ára , já lýðveldið er kornungt , enn með bleiju .

 

   Ég er Bessastaðabóndanum hjartanlega sammála , að við hvorki eigum né megum elta einhverja tískustrauma , þetta þekkir hann mæta vel eftir til dæmis Kínaferð með útrásarvíkingum , er hann neitaði að samþykkja Iceslave ofl ofl .

 

   Það væri gaman að vita hve tæpt lýðveldið stóð í þorskastríðunum , þegar varðskipin máttu sín lítils varðandi bresku freigátunum og dráttarbátunum , eða þegar landhelgin var flutt út í eina - og sex mílur , sennilega er enginn sem getur fært okkur heim sanninn um það , en örugglega stóð lýðveldið tæpt , því svo oft má segja lygina , að það endi á því að allir trúa henni , jafnvel við sjálf - þó við vitum betur , það þekki ég af eigin skinni .

 

   Förum því hlýjum , mjúkum höndum um lýðveldið , hvorki seljum eða gefum það öðrum til handa og reynum að losa landið við þann sora sem þar dvelur , er nefnist útrásarvíkingar , jafnvel þótt um sé að ræða bræður eða systur okkar - já lítum okkur nær . 

 

   Enn og aftur: Til hamingju með afmælisbarnið ! 

Lýðveldið var ekki sjálfgefið

Athugasemdir

[Helga Kristjánsdóttir, 18.6.2014 kl. 02:45]

Sæll! Það var virkilega gaman að sjá atriði frá Lýðveldisstofnuninni á Þingvöllum.Ekki voru viðtölin síðri við þá sem fóru þangað og voru eðlilega barnung þá.- Síðan var kvikmyndin “Land og synir” sýnd,sem ég hafði ekki séð fyrr. Sannarlega allt frá gamalli tíð,þegar bílaeign var ekki algeng og margir fundu fyrir óþoli í baslinu.- -Stjórnmálamenn þess tíma vissu hve mikilvægt var að vikka út sjóndeildarhringinn,með tilliti til viðskipta. Ekki var þess krafist að við létum helstu viðskiptalöndum okkar eftir fullveldið,sem er okkur svo dýrmætt. Hún Vigdís fyrrverandi forseti sagði í viðtali í kvöld að frelsið væri það dýrmætasta,svo og að hafa til hnífs og skeiðar. - Lýðum ekki banksterum að láta greipar sópa. Vinnum að hamingjuríkum árum með afmælisbarni dagsins.